Oñeguahẽkáma kit escolar umi mbo’ehaópe Boquerón ha Alto Paraguáipe g̃uarã

Agencia IP.- Ministerio de Educación y Ciencias (MEC) oguahẽkáma umi kit escolar tetãvore Boquerón ha Alto Paraguáipe. Kóva oñeme’ẽ 240 mbo’ehaópe ha’éva público ha subvencionado.

Upéicha, oñemoañete pe cronograma he’íva, oñepyrũva 11 de febrero-pe. Ko kit escolar ñeme’ẽ oñepyrũ umi tetãvore Chakoguáva, ha avei Concepción, Amambay, San Pedro, Ñeembucú, Itapuá, Canindeyú ha Alto Paraná-pe.

Boquerón-me, oñeme’ẽ 102 kit escolar mboeha’o público-guáva ha 30 subvencionado-guáva Filadelfia, Mariscal Estigarribia ha Loma Plata-pe. Alto Paraguáipe, oñeme’ẽ 50 mboeha’o público-guáva ha 4 subvencionado-guáva Fuerte Olimpo, Carmelo Peralta, Bahía Negra ha Puerto Casado-pe.

Oĩ hína 28-ichagua kit escolar ha 5 kit mbo’ehakotýpegua. Peteĩha jey oñemoĩ mokõi aranduka mitãnguérape g̃uarã, reméra, kampéra ha búso umi mbo’ehao oĩva 22 tenda oñomotenondéva Mesa de Protección Social del Gobierno rupi.