INDI oikuaaka aravo oñeinskrivi hag̃ua upe subsidio ñande ypykuérape temimbo’épe g̃uarã

Agencia IP.- Instituto Paraguayo del Indígena (INDI) oikuaaka umi ñande ypykuérape temimbo’épe ikatúmava oñeanota subsidio estudiantil-pe ha’éva Ejercicio Fiscal 2025.

Ko viru oñeme’ẽva peteĩ jasy pukukuépe, oñeme’ẽ umi ñande ypykuérape temimbo’épe ikatu hag̃uaicha oñemoarandu mbo’ehaovusu privado térã público ñane retã pukukuépe, he’iháicha Léi 5.347/2014, omoañetéva umi ñande ypykuéra ikatu oñemoarandu universidad-pe. Ko’ã inscripción ikatu ojejapo viernes 28 de febrero peve.

Umi oipotáva omyenyhẽva’erã pe formulario de solicitud ohasapyre INDI, oñeme’ẽva upépe, térã ikatu ojerure ambue canal institucional rupi.

INDI motenondehára, Juan Ramón Benegas Ferreira, omomba’eguasu ko tembiapo rupi ojeheka umi ñande ypykuéra ikatu oñemoarandu, ha upéicha ikatu okakuaave hikuái ha ijavarekoha toiko porãve.

Oikuaasevéramo, umi postulante ikatu oho INDI róga guasúpe térã oñehenói Departamento de Promoción y Capacitación-pe, oikéva Dirección de Etnodesarrollo-pe.

«Ñemoarandu ha’e peteĩ derecho romombaretéva INDI-pe, omoañetéva desarrollo integral ñane mitãrusu ypykuérape g̃uarã, he’i INDI motenondehára.

Oikuaasevéva ikatu ohenói (0981) 675 121, térã correo electrónico [email protected], térã oho Avenida Artigas ha Tte. Francisco Cusmanich ári.