Notas
Oñeme’ẽ ambulancia pyahu Canindeyúpe oñeipytyvõ hag̃ua tetãyguakuérape
Oñeme’ẽ ambulancia pyahu tetãvore Canindeyúpe g̃uarã Unidad de Salud de la Familia «4 de Octubre» Britezcue Ybypytãgua ha «3er Encuadre» Maracaná-pe. Ko’ã ñeme’ẽ ojejapo ñeha’ã joaju rupive institución local ha nacional apytépe.
Ko mba’e ojejapo XIV Región Sanitaria Canindeyú Tesãi ha Teko Porãve Motenondeha (Mspbs) rehegua, Secretaría de Salud Departamental ha Jefatura Regional APS rehegua omba’apóva oñondive.
Avei, ojehecha umi tenda oguerekópa pohã ome’ẽva Tesãi ha Teko Porãve Motenondeha (Mspbs) ha umi mba’apohára oĩpa hembiapohápe.
Ko’ã ambulancia kuéra ñeme’ẽ rupi ha ñomongeta tavayguára kuéra ha tasyo mba’apohára kuéra ndive, oñeha’arõ oñeipytyvõve umi tekotevẽ ha apañuãi tesãi rehegua ko’ã tenda jerére.
Oho kuri moãkahára Región de Salud XIV rehegua, Dr. Sergio Ambrasath, diputada Cristina Villalba, secretaria Salud Departamental rehegua Mónica Viancheto ha APS tavapehẽ moakãhára María José Hoppe.
Ko tembiapo oike peteĩ aponde’a tuichavéva oñemoporãve hag̃ua ñangareko tasyópe ko’ã tendápe, ha ha’e techapyrã hesakãva mba’éichapa ñemba’apo oñondive rupi ikatu heta mba’e ikatu ojejapo porãve avarekoha kuérape g̃uarã.
-
San Pedro1 día hace
Vivi tu mejor verano en EcoTur Laguna Blanca
-
Notas2 semanas hace
Nobel de Física destaca uso de la IA, pero advierte sobre amenazas “de que se salga de control”
-
Notas6 días hace
Paraguay consigue resonante victoria para soñar con el Mundial
-
Paraguay2 semanas hace
Instituciones del Estado coordinan Programa de Becas de cara al 2025