Feria agrícola MAG ojapóva ohupytýma. G. 490 millones noviembre peve

Agencia IP.- Mbohapy feria agrícola paha ojapóva Yvy ha Tymba Ñangareko Motenondeha (MAG) ha Itaipu Binacional, oipytyvõ umi ñemitỹhára kuéra ombyaty hag̃ua Gs. 490.102.500.

Ko’ã feria ojejapova’ekue táva Santa Rosa del Aguaray (San Pedro-pe), San Lorenzo (Central-pe) ha Paraguaýpe. Tetãvore San Pedro-pe, ko actividad ojejapova’ekue 3 noviembre-pe, oñemuva chupekuéra G. 125 millones omobeneficiáva 350 ogaygua kuéra oikóva pe tetãvorépe.

Ojejapo avei ambue feria 7 de noviembre-pe, explanada Dirección Comercialización rehegua Yvy ha Tymba Ñangareko Motenondeha (MAG) San Lorenzo-pe. Upépe ombyaty hikuái Gs. 94 millones oipytyvõva 269 ogaygua kuéra oikóva tetãvore San Pedro, Caaguazú, Central ha Paraguarí.

Ára 8 noviembre-pe, oñemotenonde’akue peteĩ feria Costanera Paraguaýpe, oipytyvõva 1.000 ogaygua kuérape ha oheja chupekuéra Gs. 270 millones.

Umi feria rural-pe MAG oipytyvõ umi ñemitỹhára michĩvape omohepyme’ẽ yva ha ka’avokuéra pyahu ha ambue producto procesado, intermediario’ỹre.

Feria oúva oikóta miércoles 29 de noviembre explanada Congreso Nacional-pe, 07:00 aravo guive 15:00 aravo peve.

Itaipu Binacional oipytyvõ ko’ã feria peteĩ convenio rupi Oficina de las Naciones Unidas de Servicios para Proyectos (Unops) ndive. Ambue institución oipytyvõ avei, ogueraha hag̃ua ñemitỹhára kuéra ha iproducto, ha’eháicha BNF, Senava, IPTA, CAH, ambue.